زخم در زخم اذیت کا جہاں پهیل گیا
شام پهیلی ہے کہ آنکھوں میں دھواں پھیل گیا
صحن تک آنے لگے چاند جبینوں والے
دشت پھیلا ہے کہ اب شہرِ بُتاں پهیل گیا
سرحدِ عشق پہ جا پہنچے مسافر غم کے
اور پهر راه میں اک کوهِ گراں پهیل گیا
چشمِ پُر آب سے چھلکا ہوا اک دُرِ نجف
آیتیں پڑھتا سرِ نوکِ سناں پهیل گیا
حجرۂ عشق سے نکلے تھے مسافت باندھے
سینۂ چاک میں اک رنجِ رواں پهیل گیا
No comments:
Post a Comment